Vroegoggend met ‘n rondgeskarrel op OR Tambo, so 12 jaar terug was dit bestem dat ons op dieselfde vlug Kaap toe ontmoet het. Mens kan se dit was “Love at first sight”. Van daar af het ons net dadelik “geclick”en ons verhaal saam het begin. Daardie eerste liefdes oomblikke is so spesiaal, en dit het ons gebring dat ons 7 jaar getrou aan mekaar was toe ek besluit om haar te vra om my vrou te word.

Marilee het altyd gese dit moet ‘n verrassing wees, en sodoende het ek en my ouers aan die werk gespring om alles voor te berei.

Die groot dag was 19 Desember 2016 met ‘n piekniek op die Strand in de Kelders.

Ek besluit toe om ‘n speletjie met haar te speel. Ek vra haar toe dat sy haar oë toemaak dat ek iets in haar hand gaan sit, en sy moet raai wat dit is.

Eerste sit ek ‘n blommetjie in haar hand, ek het dit so drie keer gedoen. Dit is toe ek ‘n skulpie vat en haar ring binne die skulpie sit, en vra haar om vir ‘n laaste keer te raai. Sy het vir die derde keer verkeerd geraai, en ek se toe vir haar sy moet haar oë oopmaak.

Toe sien sy die ring, en ek het haar gevra of sy my vrou sal wees en dat sy die res van haar lewe met my sal spandeer. Sy het gelukkig ja gese, dit het my die gelukkigste man ooit gemaak.

Die 19de Oktober 2019 is ons amper 10 jaar saam en het dit goed gedink om dit ons trou dag te maak waar ons ewige trou aan mekaar gaan belowe voor al ons spesiale familie en vriende.